Kásipqoı boks: Meıirim Nursultanov WBO ataǵyn jeńip aldy

AQTAÝ. QazAqparat - Qazaqstandyq kásipqoı boksshy Meıirim Nursultanov (15-0, 8 KO) Aqtaýda ótken boks keshinde reseılik Andreı Sırotkındi jeńdi, dep habarlaıdy QazAqparat Sports.kz saıtyna silteme jasap.

Meıirim Nursultanov Andreı Sırotkınmen (19-1-1, 7 KO) orta salmaqtaǵy bos turǵan WBO International ataǵy úshin judyryqtasty. Kezdesý 10 raýndqa eseptelgen bolatyn. Alaıda reseılik boksshynyń qabaǵy jarylyp, kezdesýdi ári qaraı jalǵastyra almaýyna baılanysty jekpe-jek 5-shi raýndta aıaqtaldy.

Osylaısha, Meıirim Nursultanov óziniń kásibı bokstaǵy 16-shy jeńisine qol jetkizdi jáne WBO International ataǵyn jeńip aldy. Meıirim ázirge jeńilip kórgen joq. Al onyń qarsylasy reseılik boksshy kásibı boksta ekinshi ret jeńildi.