Kásipqoı boks: Meıirim Nursultanov aldaǵy jekpe-jegine pikir bildirdi
«Meniń maqsatym nokaýtqa túsirý ǵana emes, sondaı-aq kórermenderge, fanattarym men komandaǵa ádemi jeńis syılaý. Aldyńǵy jekpe-jekte myqty qarsylasqa tap boldym. Onyń bokstasý stılimen biraz qınaldym. Ol kezde tehnıkalyq nokaýtpen ozdym, alaıda osy joly jeńiske jyldamyraq jetýge bel býdym. Bokstaǵy ónerimdi barynsha kórsetkim keledi, alaıda jaǵdaı únemi biz oılaǵandaı bola bermeıdi», - dedi nokaýtshy.
Boksshynyń aıtýynsha, ár qarsylastyń ózine tán ereksheligi bolady. Ol sońǵy birer sekýndtyń ishinde josparyn ózgertip jiberýi múmkin.
«Ár jekpe-jek saıyn ózimdi jaqsy qyrynan tanyp jatyrmyn. Batısta birneshe ret jeńiliske ushyraǵan. Alaıda kásipqoı boksta onyń esh mańyzy joq. Men ár kezdesýge júz paıyz daıyndyqpen kelemin. Fanattarymnyń qataryn Atlantık-Sıtı halqymen tolyqtyrǵym keledi. Jankúıerlerimniń kóp bolǵany kásipqoı boksshy retinde ósýime yqpal etedi. Bar kúshimdi salyp, qazaqstandyq boks mektebinde jasaǵan eńbegimizdi kórsetýge tyrysamyn. Maqsatym - chemıondyq beldikter jınaı bastaý. Qazir reıtıngterde joǵary satyǵa kóterile bastadym. Bolashaqta da dál osylaı jalǵasa beredi dep úmittenemin», - dedi Nursultanov.