Kásipqoı boks: Madııar Áshkeev jeńilip kórmegen amerıkalyqpen judyryqtasady

NUR-SULTAN. QazAqparat – Jeńilip kórmegen qazaqstandyq kásipqoı boksshy Madııar Áshkeev (14-0, 7KO) sharshy alańǵa 10 sáýirde oralady, dep habarlaıdy QazAqparat tilshisi Qazaqstan kásipqoı boksynyń resmı paraqshasyna silteme jasap.

«10 sáýir kúni biz jeńilip kórmegen eki boksshy Charlz Konýel men Madııar Áshkeevtiń jekpe-jeginiń kýási bolamyz», - dep jazdy ESPN-niń amerıkalyq jýrnalısi Stıv Kım.

Aıta keterligi, 22 jastaǵy amerıkalyq boksshy osyǵan deıin 12 aıqas ótkizip, barlyǵynda da mereıi ústem boldy.

Al Áshkeev sońǵy jekpe-jegin byltyrǵy 9 qarashada ótkizgen (Kalıfornııa, AQSh) edi. Ol argentınalyq Rodolf Martınesti (43-9-3, 16KO) jeńgen bolatyn.