Kásipqoı boks: Qazaqstandyq toǵyzynshy jeńisine qol jetkizdi

NUR-SULTAN. QazAqparat – Okson-Hıldegi (Merılend shtaty, AQSh) MGM National Harbor arenasynda qazaqstandyq kásipqoı boksshy Shyńǵyshan Tájibaı (8-0, 2 KO) argentınalyq Nıkolas Velaskespen (11-7, 3 KO) jekpe-jek ótkizdi, dep habarlaıdy QazAqparat Sports.kz-ke silteme jasap.

27 jastaǵy Tájibaı bir jyl boıy rıngke shyqpaǵan bolatyn. Tórt raýndtyq jekpe-jekte ol tóreshilerdiń sheshimimen jeńiske jetti.

Qazaqstandyq boksshy osymen toǵyzynshy márte jeńip otyr, al Velaskes segizinshi ret jeńildi.

Shyńǵyshan sońǵy ret 2018 jyldyń 27 qazanynda jekpe-jek ótkizgen. Sol kezde amerıkalyq Hýan Rodrıgesti (8-16-1, 6 KO) upaı sanymen jeńgen.