Kásipqoı boks: «Qazaq jaýyngeri» alǵash ret el namysyn qorǵaıdy

NUR-SULTAN. QazAqparat – Qytaıda týyp-ósip, «Qazaq jaýyngeri» laqap atymen kásipqoı boksta óner kórsetip júrgen qandasymyz Elshat Nyǵmetolla Qazaq eliniń namysyn qorǵaıtyn boldy, dep habarlaıdy QazAqpart tilshisi.

BoxRec portalynyń málimetine qaraǵanda, «Qazaq jaýyngeri» 12 qazan kúni almaty qalasynda ótetin «Jetisý jaýyngerleri» kásipqoı boks keshinde rıngke shyǵyp, fılıppındik boksshy Ardın Dıalemen (35-14-4,17KO) qolǵap túıistiredi.

Aıta keterligi, Elshat Nyǵmetolla kásipqoı rıngtegi 16-shy jekpe-jeginde Qazaqstannyń namysyn qoǵaıdy.

Elshat Nyǵmetolla - qazaqstandyq tanymal boksshy Qanat Islamnyń (26-0,21KO) jerlesi. 25 jastaǵy sportshy 2014 jyly kásipqoı boksqa aýysyp, 2016 jyly WBO tujyrymy boıynsha Qytaı chempıony, 2018 jyly WBC tujyrymy boıynsha Azııa chempıony atanǵan bolatyn.

Eske salaıyq, 12 qazan kúni Almatyda MTK Global promoýterlik kompanııasynyń uıymdastyrýymen «Jetisý jaýyngerleri» kásipqoı boks keshi ótedi. Boks keshinde kásipqoı boksta endi óner kórsetip júrgen jáne debıýttyq jekpe-jegin ótkizetin qazaqstandyq jas boksshylar sharshy alańǵa shyǵady.