Kásipqoı boks: Qazaq qyzy qarsylasyn birinshi raýndta jarys jolynan taıdyrdy
ASTANA. QazAqparat - Qazaq qyzy Balaýsa Muzdıman kásipqoı bokstaǵy alǵashqy kezdesýin ótkizip, qarsylasyn birinshi raýndta tehnıkalyq nokaýdpen utty, dep habarlaıdy Qazaqparat tilshisi.
Balaýsa Muzdıman osydan biraz ýaqyt buryn kásipqoı boksqa aýysqan bolatyn. Kóp uzamaı ol AQSh-tyń Monro qalasynda alǵashqy jekpe-jegin ótkizip, qarsylasyn birinshi raýndta aýyr soqqylarynyń astyna alyp, jekpe-jekti ýaqytynan buryn aıaqtady.
Otandasymyz jergilikti boksshy Kemrı Maksımen qolǵap túıistirgen bolatyn. Bul Maksıdiń de sharshy alańǵa birinshi ret shyǵýy. Ókinishke qaraı ol qazaq qyzynyń soqqysyna shydas bermeı, jeńilistiń aşy dámin tatty.
Aıta keteıik, Balaýsa Muzdıman qazaqstandyq qyzdar arasynda kásipqoı bokspen aınalysqan ekinshi arýymyz. Osyǵan deıin kásibı rıngke Fırýza Sháripova aýysyp, kórermen kóz aıymyna aınalyp úlgergen edi. Ol sońǵy jekpe-jeginde Astanada bolgar qyzy Mılena Kolevany jeńip jeńil salmaqta WIBA jáne WBU tujyrymdary boıynsha chempıondyq ataqqa qol jetkizgen bolatyn.
