Kásipqoı boks: Ivan Dychkonyń kezdesýi Qazaqstanda ótýi múmkin
ASTANA. QazAqparat - Ivan Dychkonyń menedjeri Zııa Alıev Qazaqstanda kásipqoı boks keshi ótýi múmkin ekendigin habarlady, dep jazady Sports.kz.
«Biz Qazaqstanda boks keshin ótkizgimiz keledi, ondaı josparymyz bar. Árıne, ony jaqyn ýaqytta jasamaımyz, biraq bolashaqta ondaı shara uıymdastyrýǵa bolady. Biz Ivannyń óz jerinde basqa bir boksshynyń kezdesýiniń anderkartynda óner kórsetkenin qalamaımyz. Sondyqtan ol keshtiń bas kezdesýi Ivan Dychkonyń jekpe-jegi bolýy tıis. Ázirshe qaı jekpe-jegin ótkizetinimizdi aıta almaımyn», - deıdi Z. Alıev.
Eske sala keteıik, Dychko kásipqoı boksta eki kezdesýin ótkizip úlgerdi. Ekeýinde de ol jeńiske ýaqytynan buryn jetti.
