Kásipqoı boks: Aıdos Erbosynuly Kanadada debıýttik jekpe-jegin ótkizetin boldy

NUR-SULTAN. QazAqparat – Qazaqstandyq kásipqoı boksshy, ekinshi orta salmaqta WBC Asia, WBA International jáne WBO Global tıtýlynyń ıegeri Aıdos Erbosynuly (13-0, 9KO) 28 naýryzda Kanadanyń Kvebek qalasynda ótetin boks keshinde óner kórsetedi, dep habarlaıdy QazAqparat tilshisi.

«Onyń qarsylasy – 35 jastaǵy jergilikti boksshy Tım Kronın. Aıqas 10 raýndqa eseptelgen. Jekpe-jektiń ótetinin Suleimen Promotions kompanııasy resmı túrde jarııalady. Osylaısha Aıdos Erbosynuly Kanadada debıýttik jekpe-jegin ótkizgeli otyr», - dep habarlaıdy Qazaqstan kásipqoı boks federatsııasynan.

Dál osy kúngi boks keshinde Jánibek Álimhanuly ganalyq Issa Samırmen (18-0, 15KO) ózara myqtyny anyqtaıdy. Keshtiń basty kezdesýi jartylaı aýyr salmaqtaǵy álem chempıony Artýr Beterbıev (15-0, 15KO) pen qytaılyq Fanlýn Menniń (16-0, 10KO) teketiresi bolmaq.

Aıta ketsek, ekinshi orta salmaqta ataǵy aspandap kele jatqan qazaqstandyq kásipqoı boksshy Aıdos Erbosynuly (13-0, 9KO) Búkilálemdik boks keńesiniń (WBC) reıtınginde kórsetkishin edáýir jaqsartqan bolatyn.

Basty foto: qsport.kz