Kásipqoı boks: Ashat Jantursynovtyń kelesi qarsylasy anyqtaldy

NUR-SULTAN. QazAqparat – Kásipqoı boksta birde bir márte jeńilip kórmegen qazaqstandyq boksshy Ashat Jantursynovtyń (4-0, 3KO) sharshy alańǵa qashan oralatyny belgili boldy, dep habarlaıdy QazAqparat tilshisi.

Qazaqstan kásipqoı boksy federatsııasynyń málimetinshe, 9 qazan kúni qazaqstandyq boksshy Almatyda ázerbaıjandyq Kazım Ýmýdovpen shyǵýy kerek bolǵan. Alaıda onyń qarsylasy Qazaqstanǵa kele almaǵan.

BoxRec.com aqparatyna sáıkes Jantursynov endigi kezekte 15 qazanda Mınsktegi KOld Wars serııasynyń týrnırinde óner kórsetedi. Onyń qarsylasy Rýslan Rodzıvıch (15-29, 14KO) bolmaq. Alǵashqy aýyr salmaqtaǵy kezdesý tórt raýndqa eseptelgen.

Sonymen birge Mınsktegi dál sol boks keshinde taǵy bir qazaqstandyq boksshy, alǵashqy jeńil salmaqtaǵy Jandos Qydyrálıev (1-0, 1KO) sharshy alańǵa shyǵady. Ol belarýs boksshysy Arsenıı Kobzevpen júldeni sarapqa salady.

Eske sala ketsek Ashat Jantursynov kásibı mansabyndaǵy birinshi jekpe-jegin osydan eki jyl buryn AQSh-ta ótkizgen bolatyn. Ostındegi alǵashqy jekpe-jeginde (AQSh, Tehas shtaty) otandasymyz amerıkalyq Maıkl Koronadomen (1-1-1, 0 KO) judyryqtasyp, ony ekinshi raýndta tehnıkalyq nokaýtpen jeńgen bolatyn.