Kásipqoı boks: AQSh-ta Musa Tursynǵalıevtiń aıqasy ótpeıtin boldy
ASTANA. QazAqparat - AQSh-ta búginge josparlanǵan qazaqstandyq boksshy Musa Tursynǵalıevtiń kásibı rıngtegi debıýttik aıqasy ótpeıtin boldy, dep habarlaıdy Sports.kz.
Aıqas qazaqstandyq boksshynyń qarsylasy amerıkalyq Djemýr Edvardstyń densaýlyq jaǵdaıyna baılanysty toqtatylǵan. Bul týraly Musa óziniń ınstagramdaǵy paraqshasynda jazdy.
«Ókinishke oraı, meniń aıqasym bolmaıtyn boldy. Dárigerler salmaq ólsheý kezinde qarsylasym Djemýr Edvardstyń judyryqtasýyna tyıym saldy. Oǵan rıngke shyǵý qaýipti boldy. Bul kásipqoı boks, barlyǵy bolýy múmkin, eger dárigerler onyń rıngke shyǵýyna jol berse, barlyǵy qaıǵyly aıaqtalatyn edi. Osylaı bolǵany úshin keshirim suraımyn! Meni árdaıym qoldap kele jatqandaryńyzǵa rahmet aıtamyn! Sizdermen bólisetin jaqsy jańalyǵym bar. Barlyǵy alda, sársenbi kúni birneshe aıqas úshin Meksıkaǵa ushamyn. Sondyqtan, Alǵa, Qazaqstan!», - dedi boksshy.
