«Kásipqor» holdıngi munaı-gaz salasynda mamandar daıyndaý úshin jańa ortalyq ashty

 Bul týraly atalmysh qordyń baspasóz   qyzmeti habarlady.

 APEC Petrotechnic bilim baǵdarlamalary halyqaralyq seriktesi SAIT Polytechnic - Ońtústik Alberta tehnologııa ınstıtýtymen birigip damytyldy.

Stýdentterdi qabyldaý kelesi mamandyqtar boıynsha júzege asyrylady:

• - Munaı jáne gazdy shyǵarý tehnologııalary;
• - Quraldardy baqylaý jáne avtomattandyrý tehnologııasy;
• - Ken oryndaryn qoldaný.

Bilim baǵdarlamalary halyqaralyq standarttardyń talaptaryna sáıkes daıyndalyp, álemdik tájirıbeni qoldaný maqsatynda, sonymen qatar qazaqstandyq jáne sheteldik munaı-gaz kompanııalarynyń suranystaryna sáıkes daıyndaldy.

APEC Petrotechnic erekshelikteri:

• - bilim berý aǵylshyn tilinde júzege asyrylady;
• - bilim alý aqysyz;
• - Qazaqstandyq jáne sheteldik úlgidegi dıplomdar alý múmkindigi (SAIT Polytechnic dıplomy jáne sertıfıkaty);
• - qazirgi kúnniń qural-jabdyqtarynda praktıkalyq tájirıbe alý;
• - munaı-gaz kompanııalarymen tyǵyz baılanys.

APEC Petrotechnic 11-i synyptyń, sonymen qatar ózderiniń teorııalyq bilimderin tájirıbede jetildirip, shynaıy jumys jaǵdaıynda qajetti mashyqtarǵa jetýdi maqsat qoıǵan kolledjder men JOO-nyń stýdentteri  oqýǵa tapsyra alady.

Stýdentterdi qabyldaý aǵylshyn tili, matematıka, fızıka jáne hımııa pánderinen emtıhandar tapsyrý boıynsha júzege asyrylady.

Bilim berý 2013 jyldyń qańtarynan bastalyp, stýdentter foundation - bastapqy bilim alý baǵadarlamasyna qabyldanady. Ol 2013 jyldyń tamyzyna deıin sozylmaq. Baǵdarlamanyń maqsaty aǵylshyn tili men munaı-gaz salasyndaǵy jalpy kásibı pánder boıynsha bilim berý bolyp tabylady. Foundation baǵadarlamasyn sátti támamdaǵan stýdentter 2013 jyldyń qyrkúıeginen bastap oqýlaryn tańdap alǵan tehnıkalyq baǵdarlama boıynsha jalǵastyra alady.

APEC Petrotechnic bilim ornyna oqýǵa túsý týraly qosymsha aqparatty «Kásipqor» Holdınginiń www.kasipkor.kz saıtynan bilýge bolady.