Kásipkerlikti damytý jónindegi ulttyq joba: qansha adam jumyspen qamtyldy

ASTANA. QazAqparat – Osy jylǵy 1 tamyzdaǵy jaǵdaı boıynsha 2021-2025 jyldarǵa arnalǵan kásipkerlikti damytý jónindegi ulttyq jobaǵa 444,2 myń adam qatysty. 300,6 myń adam jumyspen qamtylyp, onyń 152,2 myńy turaqty jumysqa ornalasty, dep habarlaıdy QazAqparat.

Eńbek jáne halyqty áleýmettik qorǵaý mınıstrliginiń málimetinshe, sýbsıdııalanatyn jumys oryndaryna 148,4 myń adam ornalastyryldy. Onyń ishinde áleýmettik jumys oryndarymen 15,5 myń adam, jastar praktıkasymen 12 myń adam, qoǵamdyq jumystarmen 103,2 myń adam, «Alǵashqy jumys orny» jobasy aıasynda 5,4 myń adam, «Urpaqtar kelisimsharty» jobasy aıasynda 199 adam, «Kúmis jas» jobasy aıasynda 12,1 myń adam jumyspen qamtyldy.

Eńbek naryǵynda suranysqa ıe daǵdylar boıynsha onlaın oqytýmen 31,5 myń jumyssyz qamtyldy, onyń ishinde 28,7 myńy oqýdy aıaqtady.

Sondaı-aq «Bastaý Bıznes» jobasy boıynsha kásipkerlik negizderine oqytýmen 102,9 myń adam qamtyldy. Onyń ishinde 77,4 myń adam oqýdy aıaqtap, sertıfıkat aldy.

Qyzmet salasyn tańdaý maqsatynda 81,6 myń adam áleýmettik kásiptik baǵdarlaýdan ótti.

Budan basqa, 2023 jyly Ulttyq joba sheńberinde 400 AEK (1 380 000 teńge) mólsherinde jańa bıznes bastamalardy iske asyrý úshin 9 myń grant berý kózdelgen. Jyl basynan beri 5 317 grant berildi.