Kásipkerlikti damytý boıynsha ulttyq jobaǵa 35 myńǵa jýyq jas qatysty

NUR-SULTAN. QazAqparat - 2022 jylǵy 1 naýryzdaǵy jaǵdaı boıynsha «Jastar» sanatyna jatatyn 34,9 myń adam 2021-2025 jyldarǵa arnalǵan kásipkerlikti damytý jónindegi ulttyq jobaǵa qatysty, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.

Onyń 24 myńy jumysqa ornalastyryldy, onyń ishinde 10,7 myńy – turaqty jumys oryndaryna ornalastyryldy.

Sýbsıdııalanatyn jumys oryndaryna 13,3 myń jas jiberildi, olardyń 3,6 myńy «Jastar praktıkasy», «Urpaqtar kelisimsharty» jáne «Alǵashqy jumys orny» jobalary sheńberinde memleketten qoldaý aldy. 1,7 myń adam áleýmettik jumys oryndaryna jáne 8 myń adam qoǵamdyq jumystarǵa jiberildi.

Esterińizge sala keteıik, Memleket basshysynyń tapsyrmasyn oryndaý maqsatynda «Jastar praktıkasy» jáne «Alǵashqy jumys orny» jobalaryna qatysý merzimi tıisinshe 12 aıǵa deıin jáne 18 aıǵa deıin, qatysýshylardyń jalaqysyn sýbsıdııalaý mólsheri – 30 AEK-ke deıin, sondaı-aq bıznes-bastamalardy iske asyrý úshin granttar mólsheri 2 ese ıaǵnı 400 AEK-ke deıin ulǵaıtyldy (1,2 mln teńge).

Aǵymdaǵy jyly jastar arasynan jańadan bastaǵan kásipkerlerge 10 myń qaıtarymsyz grant berý josparlanýda. Taǵy 10 myńy halyqtyń áleýmettik osal toptary úshin kózdelgen (ataýly áleýmettik kómek alýshylar; kópbalaly otbasylardyń músheleri – kópbalaly otbasylar boıynsha járdemaqy alýshy jáne (nemese) onyń jubaıy (zaıyby); ońtústik óńirlerden soltústikke qonys aýdarýshylar; qandastar; múgedektigi bar bala (balalar) tárbıelep otyrǵan otbasy músheleri; múgedektigi bar adamdar).

Buǵan deıin jastardy jumyspen qamtýǵa yqpal etetin sharalar Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy (budan ári – memlekettik baǵdarlama) sheńberinde iske asyrylyp, 2021 jyldyń sońynda aıaqtalǵan bolatyn. Memlekettik baǵdarlamada qoldanylatyn birqatar quraldar aǵymdaǵy Ulttyq joba aıasynda qoldanylady.

Tek 2021 jyly ǵana memlekettik baǵdarlama boıynsha jastardy jumyspen qamtýǵa járdemdesý sharalarymen qamtý 34,8% - dy qurady (226,2 myń adam). Onyń ishinde 145,4 myń adam turaqty jumysqa ornalastyryldy, 74,2 myń adam áleýmettik jumys oryndaryna, jastar praktıkasyna jáne qoǵamdyq jumystarǵa anyqtaldy.

TjKB uıymdarynda jáne qysqa merzimdi oqytý sheńberinde 20 myńnan astam adam mamandyq aldy.

«Bastaý Bıznes» jobasy sheńberinde kásipkerlik negizderine 11,6 myń adam oqytyldy, onyń 1,9 myńy mıkrokredıtter aldy, al 11,5 myńy – 200 AEK mólsherinde memlekettik granttar aldy.

Jumys kúshi artyq óńirlerden jumys kúshi tapshy óńirlerge 887 jas qonys aýdardy.

Turaqty jumys oryndaryna jastar arasynan 145,4 myń adam jumysqa ornalastyryldy.

2021 jylǵy 4-toqsandaǵy derekter boıynsha Qazaqstanda 1 mln 987 myń jas (15-28 jas aralyǵyndaǵy) ekonomıkalyq belsendi bolyp tabylady, onyń ishinde 1 mln 914,2 myń adam nemese 96,3% - y jumyspen qamtylǵan. Jumyspen qamtylǵan jastar arasynda ózin-ózi jumyspen qamtyǵandar sany 416,4 myń adamdy nemese 22%, jaldamaly qyzmetkerler sany – 1 mln 497,7 myń adamdy nemese 78% qurady.

Jumyssyzdar sany 2020 jylǵy 80,4 myńnan 2021 jylǵy 4 toqsanda 73,3 myńǵa deıin ıaǵnı 7,1 myń adamǵa qysqardy, al jastar jumyssyzdyǵynyń deńgeıi 2020 jyldyń qorytyndylarymen (3,8%) salystyrǵanda 0,1% - ǵa tómendep 3,7% - dy qurady.