Kásipkerlikke bet burǵan jastar táýekelshil keledi - Jedelbek Myrzaǵalıev

«Bıznestiń jol kartasy - 2020» memlekettik baǵdarlamasy úlken men kishige birdeı qoldaý kórsetedi. Baǵdarlama 2010 jyldan beri júzdegen aqtóbelik kásipkerdiń jumysyn júrgizdi. Máselen, paıyzdyq ústemeaqyny sýbsıdııalaý baǵyty boıynsha 700 kelisimshartqa qol qoıylyp, quny 94 mıllıard teńgeniń jobasyna qoldaý kórsetilgen. Al bıyl quny 5,5 mıllıard teńge bolatyn 85 joba iske asyrylyp jatyr. Kepildendirý baǵyty boıynsha 225 joba maquldandy. Bıyl quny 1 mıllard teńgeniń 31 jobasy kepildendirildi. ıAǵnı, ekinshi deńgeıli bankten nesıe alǵan kásipkerge senim artyp, memlekettik qoldaý kórsetiledi. Qazirgi ýaqytta Aqtóbe «Bıznestiń jol kartasy - 2020» memlekettik baǵdarlamasyn iske asyrýda elimiz boıynsha aldyńǵy qatarda keledi.

«Biz 1 teńge bersek, kásipkerler qarjyny 6 teńge etip qaıtarady. ıAǵnı, sýbsıdııalaý baǵyty boıynsha 8 mıllıard teńge berildi, kásiporyndar memleketke 50 mıllıard teńge salyq tóledi. Bıyl jyl basynan beri 740 myń teńge sýbsıdııa berilip, óńdeý ónerkásibi salasy 5 mıllıard teńge salyq tóledi. Bul kásipkerge de, memleketke de tıimdi baǵdarlama. Ári halyq turaqty jumyspen qamtamasyz etilgen, jańa bos oryndar ashylyp jatyr. Baǵdarlama aıasynda barlyǵy 23 myń jumys ornyn saqtap qalyp, 7 myń jańa jumys ornyn ashýǵa múmkindik aldyq. Óńirde aýyl sharýashylyǵynyń óńdeý salasy, ónerkásip, qurylys ındýstrııasy jaqsy damyǵan»,- dedi «Damý» Qory» AQ Aqtóbe oblystyq fılıal dırektory Jedelbek Myrzaǵalıev.

Aqtóbege arnalǵan eki joba - «Keń dala» jáne «Jas start». Ekeýi de aýyl adamdarynyń bıznesti bastaýyna kómektesedi ári jastarǵa basymdyq berilgen. Múmkindikti qalt jibermegen aqtóbelik jastar «Damý» qory men Aqtóbe oblysynyń ákimdigi birlese bólgen qarjyǵa 90 jobany iske asyrdy.

«Ótken jyly 900 mıllıon bólinse, bıyl 1 mıllıard teńge ıgerilip jatyr. Negizinen jastarda tájirıbe joq, olar táýekelge kóp barady. Bir jaǵynan olarda jaqsy ıdeıalar bar. Aýyl jastary ІT tehnologııaǵa jaqyn dep aıta almaımyn. Bıznesti jańa bastap, kásipkerlik joldy tańdaǵandyqtan kóbine biz olarǵa usynys aıtamyz. Qarapaıym, kishkentaı kásipten bastaýdy usynamyz. Kishkentaıdan bastasa bızneske úırenedi. Máselen, naýbaıhana, kondıterlik tseh, hımııalyq tazalaý oryndary. Kishkentaı ǵana aýylda shaǵyn jobalarǵa suranys bar. Qazir kóbi mashına alady, qyzmet kórsetedi. Olar taksıst emes, júk tasýshy. Qazir júk kóligi qat bolǵan shaq. Buryn aýdan, aýyl arasynda, iri halyqaralyq trassalar bolmaǵan kezde adamdar júktiń bárin tek temirjol arqyly tasymaldady. Endi «Batys Qytaı-Batys Eýropa» halyqaralyq dálizi bar. «Nurly jol» baǵdarlamasymen birneshe respýblıkalyq jol jóndelip jatyr. Al «Nurly jer» baǵdalamasy boıynsha qurylys qarqyn aldy. Osynyń bári jumys, kólikti qajet etetin sala. Qurylysqa kran, ekskavator sekildi birneshe tehnıka kerek. Kolledj, ınstıtýt bitirgen jastar tehnıka alyp, qurylys kompanııasyna qyzmet kórsetip jatyr. Bul eń durys jol»,- dedi Jedelbek Myrzaǵalıev.

Qazir Aqtóbe oblystyq sáýlet, qurylys jáne qala qurylys basqarmasy, «Damý» qory men Turǵyn úı qurylys jınaq banki, qurylys kompanııasymen birlese «Nurly jer» baǵdarlamasymen taǵy bir jobany qolǵa aldy. ıAǵnı, memlekettik baǵdarlama aıasynda qurylys kompanııasyna qoldaý kórsetilip, olar salǵan turǵyn úı naryq qunynan arzan baǵaǵa beriledi. Barlyǵy Aqtóbe oblystyq aımaqtyq úılestirý keńesinde sheshiledi. Jospar boıynsha bıyl 1 myń páter osy jolmen ıesin tappaq.

 

«Nurly jer» baǵdarlamasyn iske asyrý úshin jańa joba qolǵa alyndy. Jyl basynda ekinshi deńgeıli bank, qurylys kompanııasy, Turǵyn úı qurylys jınaq bankimen birlesip, 36 páter satylymǵa shyǵaryldy. Ár páterge 3-4 adamnan ótinish berdi. Aldaǵy ýaqytta taǵy 330 páterdi baǵdarlama aıasynda beremiz. Qazaqstan boıynsha bul joba aldymen Aqtóbede iske asyryldy»,- dedi Jedelbek Myrzaǵalıev.