Kásipkerlik jónindegi saraptamalyq keńes quramyna enetin birlestikter akkredıtteledi
Saraptamalyq keńestiń jumysyna qatysatyn, akredıttelgen bıznes qaýymdastyq ókilderiniń birlestikteri jeke kásipkerlerdiń múddelerin qamtıtyn normatıvtik quqyqtyq aktileriniń jobalaryna saraptama jasaý quqyǵyna ıe bolady.
Saraptamalyq keńes jumysyna jeke kásipkerlik sýbektileriniń respýblıkalyq birlestikteri, respýblıkalyq salaaralyq, salalyq birlestikter, sondaı-aq shaǵyn, orta jáne iri kásipkerlik sýbektileriniń respýblıkalyq birlestikteri qatysa alady.
Eske sala keteıik, jeke kásipkerlik máseleleri jónindegi Saraptamalyq keńes ortalyq memlekettik, ókildi jáne jergilikti atqarýshy organdar janynan qurylady. Olar kásipkerliktiń múddelerin qozǵaıtyn normatıvtik quqyqtyq aktilerdiń jobalaryna, halyqaralyq sharttar jobalaryna, sondaı-aq Qazaqstan Respýblıkasy qatysýshysy bolýǵa nıettenetin halyqaralyq sharttarǵa saraptamalyq qorytyndylardy ala alady. Budan bólek, kásipkerlikti qoldaý men qorǵaý, onyń ishinde ákimshilik kedergilerdi joıý maqsatynda memlekettik organdardyń qyzmetin jetildirý týraly usynystardy ázirleýge qatysady.
Tutastaı alǵanda keńes bıznestiń múddelerin qozǵaıtyn zańnamany jetildirý jóninde usynystardy ázirleý úshin qurylatyn konsýltatıvtik-keńesshi organ bolyp tabylady.