Kásipkerlik sýbektileriniń bank shottarynan qolma-qol aqshany alýǵa shekteýler engizildi
Atalǵan shekteý 2020 jylǵy 1 maýsymnan bastap qoldanysta bolǵanyn jáne tek zańdy tulǵalarǵa ǵana qoldanylǵanyn atap ótken jón, al osy jyldyń basynan bastap shekteý dara kásipkerlerge de qoldanylady.
Qazaqstan Respýblıkasynyń Ulttyq banki basqarmasynyń 2020 jylǵy 21 jeltoqsandaǵy № 150 birlesken qaýlysymen jáne Qazaqstan Respýblıkasy Ulttyq ekonomıka mınıstriniń 2020 jylǵy 23 jeltoqsandaǵy №95 buıryǵymen kásipkerlik sýbektileriniń kúntizbelik aı ishinde bank shottarynan qolma-qol aqshany alý somasynyń mynadaı shekti mólsheri bekitildi:
20 000 000 (jıyrma mıllıon) teńge – shaǵyn kásipkerlik sýbektileri úshin;
120 000 000 (bir júz jıyrma mıllıon) teńge – orta kásipkerlik sýbektileri úshin;
150 000 000 (bir júz elý mıllıon) teńge – iri kásipkerlik sýbektileri úshin.
Bul rette bank shottarynan qolma-qol aqsha alý jónindegi kórsetilgen talap mynadaı kásipkerlik sýbektilerine:
mıkro kásipkerlik sýbektilerine;
aýyl sharýashylyǵy azyq-túlik ónimin, akvaósirý (balyq aýlaý) ónimin satyp alýdy júzege asyratyn kásipkerlik sýbektilerine;
birlesken qaýly men buıryqqa qosymshaǵa sáıkes ekonomıkalyq qyzmet túrleri bar tamaq ónimderimen, sýsyndarmen, sondaı-aq farmatsevtıkalyq, medıtsınalyq jáne ortopedııalyq taýarlarmen bólshek saýdany júzege asyratyn kásipkerlik sýbektilerine;
4) Ekinshi deńgeıdegi bankter jáne Ulttyq pochta operatory Qazaqstan Respýblıkasynyń Ulttyq bankinde ashylǵan korrespondenttik shottardan qolma-qol aqsha alǵan kezde jáne qyzmetin Qazaqstan Respýblıkasy Ulttyq bankiniń qolma-qol shetel valıýtasymen aıyrbastaý operatsııalaryna bergen lıtsenzııasy negizinde tek qana aıyrbastaý pýnktteri arqyly júzege asyratyn zańdy tulǵalarǵa qoldanylmaıdy.
Sonymen qatar, Qazaqstan Respýblıkasynyń Ulttyq banki basqarmasynyń 2020 jylǵy 21 jeltoqsandaǵy №151 jáne Qazaqstan Respýblıkasy Qarjy naryǵyn retteý jáne damytý agenttigi Basqarmasynyń 2020 jylǵy 22 jeltoqsandaǵy №125 birlesken qaýlylarymen jáne Qazaqstan Respýblıkasy Qarjy mınıstriniń 2020 jylǵy 22 jeltoqsandaǵy № 1223 buıryǵymen Kásipkerlik sýbektileriniń bank shottarynan qolma-qol aqshany alý qaǵıdalary bekitildi.
Kórsetilgen Qaǵıdalarda qolma-qol aqshany alýdyń belgilengen shekti mólsherinen asqan jaǵdaıda, kásipkerge bankke usynýy qajet qujattardyń negizgi tizbesi bekitilgen.
Kásipker bankke mynalardy usynýy kerek:
qolma-qol aqshany alý maqsatyn rastaıtyn qujat;
memlekettik kirister organdaryna málimetter men qujattardy jiberýge kelisimi.
Bank 1 jumys kúni ishinde MKK-ne banktik shottan qolma-qol aqsha alýǵa ótinim jiberedi.
MKK ótinimdi 3 jumys kúni ishinde qarastyrady. Osydan keıin bankke qolma-qol aqshany berýden bas tartý úshin negizdemeniń bar nemese joq ekendigi týraly málimetterdi jiberedi.
Sondaı-aq táýekelderdi basqarý júıesin qoldanýdy eskere otyryp, memlekettik kirister organy mynadaı sheshimderdiń birin shyǵarady:
táýekeldiń tómen dárejesi boıynsha – qolma-qol aqsha berýden bas tartý úshin negizderdiń joqtyǵy týraly;
joǵary táýekel dárejesi boıynsha – qolma-qol aqsha berýden bas tartý úshin negizderdiń bolýy týraly.
«Táýekelderdi basqarý júıesin qoldaný nátıjeleri boıynsha kásipkerlik sýbektileriniń bank shottarynan qolma-qol aqshany alý somasynyń shekti mólsherinen asatyn somada qolma-qol aqsha berýden bas tartý úshin negizderdiń bolýy ne bolmaýy týraly málimetter kúntizbelik bir aı ishinde jaramdy»,- dep tolyqtyrdy Memlekettik kirister komıtetinde.
