«Kásipkerlik qyzmet salasyndaǵy qylmystar» atty oqý semınary ótti
ASTANA. Qyrkúıektiń 30-y. QazAqparat. Búgin Qazaqstannyń «Atameken Odaǵy» Ulttyq ekonomıkalyq palatasy Basqarma Tóraǵasynyń birinshi orynbasary E.S.Nıkıtınskaıa Qarjy polıtsııasy akademııasynda ótip jatqan «Kásipkerlik qyzmet salasyndaǵy qylmystar» atty oqý semınarǵa qatysyp, baıandama jasady.
Atalǵan semınar jumysyna TMD-ǵa qatysýshy-memleketter men Baltyq elderiniń quzyrly organdarynyń ókilderi qatysty.
«Atameken Odaǵy» qyzmetiniń basty baǵyty bıznes pen memlekettiń ózara árekettesýin uıymdastyrý bolyp tabylady. «Atameken» odaǵy bıznes-assotsıatsııalarmen birlese otyryp, kásipkerlerdi tekserý boıynsha barlyq normatıvtik bazany júıeleý jáne ony biryńǵaı, túsinikti jáne bıznes formatyna saı ashyq nysanǵa keltirý boıynsha jumys jasaıdy. Qoldanystaǵy zańdylyqty taldaý barysynda kásipkerlerdi tekserýdi qarastyratyn 7 kodeks, 67 zań jáne jalpy 120 shamasynda normatıvtik aktiler anyqtaldy.
Semınarǵa qatysýshylar tarapynan E.Nıkıtınskaıaǵa kóptegen suraqtar qoıyldy, óıtkeni forýmdar men kórmelerdi ótkizý, shetel áriptesterimen delegattar almasý, halyqaralyq iskerlik keńester jáne birlesken kásiporyndar qurý Qazaqstannyń «Atameken Odaǵy» Ulttyq ekonomıkalyq palatasynyń syrtqy ekonomıkalyq baılanystardy damytý boıynsha jumysynda mańyzdy baǵyt bolyp otyr.
