Kásipkerlik kodeks ózgertilip, retteýshilik apellıatsııa ınstıtýty engiziledi – Rýslan Dálenov
«Memleket basshysy el halqyna «Jańa jaǵdaıdaǵy Qazaqstan: is-qımyl kezeńi» atty Joldaýy aıasynda turaqty ekonomıkalyq ósýdi qamtamasyz etý, ómir súrý sapasy men deńgeıin arttyrý boıynsha naqty mindetter qoıdy. QR Ulttyq ekonomıka mınıstrligi kásipkerlikti damytý; salyq-bıýdjet saıasatyn jetildirý; ınvestıtsııalardy yntalandyrý; teńgerimdelgen óńirlik damý; memlekettik basqarý syndy 5 negizgi baǵyt boıynsha jumys isteıtin bolady», - dedi mınıstr.
Onyń atap ótýinshe, shaǵyn jáne orta bızneske qosymsha kómek kórsetý maqsatynda shaǵyn jáne orta bıznestiń qazirgi kredıtteri boıynsha paıyzdyq mólsherlemelerdi sýbsıdııalaý júzege asyrylady ári túpkilikti jyldyq mólsherlemeleri 6 paıyzǵa deıin jetkiziledi. Sýbsıdııalaý tótenshe jaǵdaı jarııalanǵan kezden bastap 12 aı merzimdi qamtıdy.
«Bul shara «Bıznestiń jol kartasy – 2025» memlekettik baǵdarlamasynyń jańa baǵyty aıasynda iske asyrylady. Bıznes ahýaldy odan ári jaqsartý boıynsha sharalar kesheni qabyldanady. Oǵan táýekelderdi basqarý júıesin avtomattandyrý, tıisti komıssııa qurý arqyly barlyq retteýshilik talaptardy qaıta qaraý jáne olardy azaıtý boıynsha usynystar ázirleý kiredi», - dedi Rýslan Dálenov.
Mınıstr Kásipkerlik kodekske tıisti ózgerister engizý arqyly retteýshilik apellıatsııa ınstıtýtyn engizý boıynsha sharalar qabyldanatyndyǵyn da aıtty.
«Sondaı-aq qarjylaı jáne qarjylaı emes memlekettik qoldaý sharalaryn iske asyrý jalǵasady. Tutastaı alǵanda bul 2025 jylǵa qaraı shaǵyn jáne orta bıznestiń jalpy ishki ónimdegi úlesin 35 paıyzǵa deıin ári shaǵyn jáne orta bızneste jumyspen qamtylǵandar sanyn 4 mıllıon adamǵa deıin ulǵaıtý boıynsha qoıylǵan mindetterge qol jetkizýge yqpal etedi», - dedi ol.