Kásipkerlerge arnalǵan mobıldi qosymsha iske qosyldy
Vedomstvonyń málimetinshe, qosymshany App Store, Play Market jáne App Gallery-den júkteýge bolady . Búginde bul qosymshany 27 myńnan astam kásipker paıdalanýda .
«Mobıldi qosymsha arqyly jeke kásipker retinde tirkelýge , kassalyq chektiń ornyna mobıldi qosymshanyń chegin berýge , qosymshada berilgen chekter negizinde kásipkerdiń kiris esebin júrgizýge , salyqtar men áleýmettik tólemderdi avtomatty túrde esepteýge , jaldamaly qyzmetkerlerdiń jáne olardyń tabystarynyń esebin júrgizýge , ońaılatylǵan deklaratsııany tapsyrýǵa (910.00 nysan), kásipkerlik qyzmetti ońaılatylǵan tártipte toqtatýǵa múmkindik beredi», - delingen habarlamada.
«E-Salyq Business»-te budan basqa da yńǵaıly servıster qarastyrylǵan. Máselen, salyq organdarynyń jibergen habarlamasyn alýǵa , bir tólem qujatymen birneshe salyqty tóleýge , artyq tólengen salyqtardy aldaǵy salyqtar esebine jatqyzýǵa nemese qaıtaryp alýǵa bolady. Sondaı-aq, birqatar anyqtamalardy da alý múmkindigi bar. Mysaly, jeke kásipker retinde tirkelý týraly, jumysshylardyń tabysy týraly anyqtamalardy ala alasyz. Bulardyń barlyǵy talap etilgen jerge usynýǵa arnalǵan.
