Kásipkerlerge 90 memorgannyń 525 qyzmeti bir ortalyqtan beriledi

NUR-SULTAN. QazAqparat - «Atameken» Ulttyq kásipkerler palatasy «bir tereze» qaǵıdaty arqyly bızneske qajetti qyzmettiń barlyq túrin bir ortalyqqa toptastyrmaq, dep habarlaıdy QazAqparat tilshisi.

«Atameken» Ulttyq kásipkerler palatasynyń jospary týraly aıtyp ótsem. Kásipkerlerge qyzmet kórsetý ortalyqtarynda «bir tereze» qaǵıdatyna súıengen abzal. Osy maqsatta memlekettik organdar men basqa da mekemelerdiń bızneske qajetti qyzmet túrlerin bir ortalyqqa jınaqtaýdy kózdep otyrmyz. Osylaısha, kásipkerler 90 memlekettik organ usynatyn 525 memlekettik qyzmet túrin bir ortalyqtan ala alady», - dedi «Atameken» UKP basqarma tóraǵasynyń orynbasary Eldar Jumaǵazıev Úkimettiń baspasóz ortalyǵynda ótken brıfıng barysynda.

Onyń aıtýynsha, bul qyzmetterdiń barlyǵy da onlaın túrde Atameken Services portalynda, sondaı-aq oflaın rejimde de kásipkerlerge qyzmet kórsetý ortalyqtarynda qoljetimdi bolmaq.

Aıta ketsek, Ulttyq ekonomıka vıtse-mınıstri Ermek Alpysov Úkimettiń baspasóz ortalyǵynda ótken búgingi brıfıngte «Bıznestiń jol kartasy» baǵdarlamasy 2025 jylǵa deıin uzartylatynyn habarlaǵan edi.