Kásipkerlerdiń ulttyq palatasy Úkimetten kásibı standarttardy ázirleýdi ózderine berýdi suraıdy

ASTANA. QazAqparat -QR Kásipkerleriniń ulttyq palatasy kásibı standarttardy ázirleýdi ózderine berýdi Úkimetten suraıdy. Búgin Astanada Qazaqstan Kásipkerleri ulttyq palatasynyń áleýmettik sala jáne áleýmettik áriptestik komıtetiniń otyrysynda palatanyń basqarma tóraǵasynyń orynbasary Nurjan Áltaev osylaı málimdedi.

«Ókinishtisi, búgingi kúni barlyq derlik bıznes qaýymdastyǵy elimizdegi kásibı standarttardyń tym sapasyz daıyndalatynyn alǵa tartady. Al ondaı standarttar qalaı jasalyp jatyr: bıýdjetten qarajat bólinedi, memlekettik organ soǵan oraı tender ótkizedi, ol arqyly qandaı da bir konsaltıngtik kompanııa tabylyp, sol kompanııa daıyndaǵan kásibı standarttar bizge kelisim berý úshin joldanyp otyrady. Al olardy biz ári qaraı salalyq qaýymdastyqqa baǵyttaımyz. Sosyn álgi salalyq qaýymdastyq osyndaı jumystyń barlyǵyn qaıtadan tegin, aqysyz jasap berip júr. ıAǵnı, olar jumys berýshiler úshin qajetti kásibı standarttardy bastan aıaq jasap, nátıjesinde búkil jumysty ózderi atqarǵan bolyp otyr», deıdi Nurjan Áltaev.

Osyǵan oraı, Kásipkerler ulttyq palatasy Úkimetke mundaı kásibı standarttar ázirleýdi ózderine berýdi surap, usynyspen shyqqan. Al, N. Áltaevtyń aıtýynsha, Úkimet bul máseleni 2015 jyly qaraýdy josparlap otyr. «Jalpy, kásibı standarttardy jumys berýshiler ózderiniń tutynýshylarynyń múddeleri men qyzyǵýshylyqtaryn eskere otyryp jasaýy tıis», deıdi N.Áltaev.