Kásipkerlerdiń shaǵyn nesıe alýyna arnalǵan mobıldi qosymsha iske qosylmaq
«Atameken» Ulttyq kásipkerler palatasy - úsh mıkronesıe uıymynyń quryltaıshysy jáne senimgerlik basqarý sharty boıynsha «Qyzylorda» AIO» JShS-ny basqarýshy kompanııa. Statıstıka úshin aıtyp óteıin, sońǵy úsh jylda 1671 jobaǵa 7,2 mlrd teńgeniń nesıesi berildi. Endigi kezekte mıkronesıeni jedel túrde mobıldi qosymsha nemese saıt arqyly onlaın berý úshin avtomattandyrylǵan skorıng qyzmetin iske qosýdy kózdep otyrmyz. Mundaǵy maqsat - kásipkerdi ara qashyqtyqta ıdentıfıkatsııalaý jáne kerekti qujattardy onlaın toltyrý arqyly úıden shyqpaı 10 mınýtta nesıe ala alatyndaı jaǵdaı jasaý», - deıdi «Atameken» Ulttyq kásipkerler palatasy tóraǵasynyń orynbasary.
Eldar Jumaǵazıev, sondaı-aq, kásipkerlerdiń basty máseleleriniń biri - qarjy ekenin atap ótti.
«Osyǵan oraı, barlyq bankter men qarjylyq ınstıtýttardyń nesıe múmkindikterin bir «nesıe agregatory» jobasy aıasyna biriktirip, bolashaqta osy resýrs arqyly nesıe alýǵa berilgen kásipkerdiń ótinishin barlyq qarjy uıymdary kóre alatyndaı ortaq platforma jasaýdy kózdep otyrmyz. Demek, ol joba iske assa, kásipkerge bes-alty bankti aralap, ýaqyt joǵaltý qajet bolmaıdy», - deıdi Eldar Jumaǵazıev.