Kásipkerlerdiń kóbi kóleńkeli bıznespen aınalysady – Bolat Baqaýov
PAVLODAR. QazAqparat - Pavlodar oblysynda bıznes-sýbektileriniń 3 myńy jumysyn múldem toqtatqan, dep habarlaıdy pavlodarnews.kz.
Nur Otan partııasynyń oblystyq fılıalynda ótken qorytyndy keńes barysynda sóılegen oblys ákimi Bolat Baqaýov shaǵyn jáne orta kásipkerlik salasynda áli de aýqymdy jumysty atqarý kerektigin qadap aıtty.
«Shaǵyn jáne orta bıznes sýbektileriniń kórsetkishteri artqanymen, oblysta tirkelgen kásiporyndardyń 8300-iniń jumys istemeıtini anyqtaldy. Olardyń úsh myńy múldem jumysyn toqtatqan. Qalǵandary qyzmetin ýaqytsha toqtatsa, keıbireýleri bankrotqa ushyraǵan»,- dedi Bolat Baqaýov.
Óńir basshysy oblystyq kásipkerlik basqarmasyna máseleni memlekettik kiris departamentimen birlese sheshýdi tapsyrdy. «Qyzmet etetin kásiporyndardyń 40%-y tabys tappaıdy, ıaǵnı nóldik esep tapsyrady. Budan shyǵatyn qorytyndy – kásipkerlerdiń kóbi kóleńkeli bıznespen aınalysady», - dedi Bolat Baqaýov. Osy oraıda oblys basshysy qolma-qol aqshasyz esep aıyrysý tájirıbesin keńeıtý qajettiligin atady.