Kásipkerlerdiń bıznesin tartyp alýmen aınalysqan qylmystyq topqa izdeý jarııalandy

NUR-SULTAN. QazAqparat - Qarjylyq monıtorıng agenttigi birneshe JShS-ny reıderlik jolmen basyp alý faktisi boıynsha tergeý júrgizip jatyr, dep habarlaıdy QazAqparat.

Aldyn ala boljam boıynsha zardap shegýshige kelgen shyǵyn kólemi 18 mlrd teńgeden asady.

14 shildede R.Babaev, T.Tanashev, D.Ábıjanov jáne A.Altybasarov sot sheshimimen qamaldy.

Qospaev, Shalın jáne Imashevqa halyqaralyq izdeý jarııalandy.

Múlikti anyqtaý jáne tyıym salý sharalary qabyldandy. Joǵaryda atalǵan azamattardyń $9 mln jýyq qarajaty, zergerlik buıymdary buǵattaldy.

Kúdiktiler men olarǵa qatysty tulǵalardyń 154 jyljymaıtyn múlik obektisi, 19 kóligi tárkilendi.

Sotqa deıingi tergeý jalǵasyp jatyr. QR QPK 201-babyna sáıkes ózge málimetter jarııalanbaıdy.

QMA-ǵa atalǵan top músheleriniń reıderlik áreketinen zardap shekken azamattardan shaǵymdar áli de kelip túsip jatyr.

«Osyǵan oraı Qospaevtyń jáne basqa da tulǵalardyń áreketinen zardap shekken kásipkerlerdi QMA nemese aýmaqtyq departamentterge habarlasýǵa shaqyramyz» dep málim etti agenttik.