Kásipkerlerdiń 99 paıyzy qoldaý tappaı otyr - ekonomıst

NUR-SULTAN. QazAqparat – Elimizde bıznesti damytýǵa baǵyttalǵan ınstıtýttary kóp, alaıda kásipkerlerdiń 99 paıyzy qoldaý tappaıdy. «Jibek Joly» telearnasyna suhbat bergen ekonomıst Marat Qaıyrlenov osylaı dep málimdedi, dep habarlaıdy QazAqparat tilshisi.

«Bizde memleket tarapynan bızneske qoldaý kórsetetin 29 ınstıtýt bar. Biraq ınstıtýttardyń jumys nátıjelerin qaraıtyn bolsaq, olar bıznes sýbektileriniń tek 0,1-0,2 paıyzyn ǵana qoldaıdy. Al qalǵan 99 paıyzdan astamy qajetti qoldaýdy almaıdy. Eger álemdik tájirıbege júginsek, onda bul kórsetkish 10 ese joǵary», - dep málim etti Marat Qaıyrlenov.

Eske salaıyq, buǵan deıin «Jibek Joly» telearnasyndaǵy «Jańa ýaqyt» baǵdarlamasynda oı bólisken Májilis depýtaty Qaınar Abasov bızneske memleketten qandaı qoldaý qajet ekendigin aıtqan bolatyn.