Kásipkerlerdiń 76 paıyzy jemqorlyqqa júginbeı bıznes qurýǵa bolatynyna senedi - agenttik
«Biz búgin sizdermen jemqorlyqqa qarsy komplaenstyń júıesin qurý máselesine qatysty bas qosyp otyrmyz. Bul saladaǵy halyqaralyq tájirıbelerdi de zertteý kerek. Ekonomıkalyq yntymaqtastyq jáne damý uıymyna múshe elderdiń jetekshi tájirıbelerine sáıkes komplaens qyzmetterdi qurý – memleket tarapynan qoldaýǵa ıe. Tipti keıbir elderde memlekettik tapsyrys nemese bankten qaryz bergen kezde óz jumysynda komplaens qyzmetterdi engizgen kompanııalarǵa basymdyq beriledi», - dedi QR Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov Qazaqstandaǵy komplaensty damytý jáne ilgeriletý boıynsha halyqaralyq onlaın forýmda.
Agenttik tóraǵasynyń birinshi orynbasary keıingi eki jyldyń ishinde bıznes pen ınvestıtsııany qorǵaý jumysyna basymdyq berilip keledi.
«Bizdiń oıymyzsha bul jumys jaqsy rettelip keledi. Qazirgi tańda jemqorlyqqa qarsy qyzmettiń súıemeldeýinde jalpy somasy 12,5 trln teńgelik 50 ınvestıtsııalyq joba bar. Osy jyldyń ózinde biz memlekettik organdardyń kásiplik salaǵa zańsyz aralasýynyń 154 faktisin anyqtadyq. Bul ister boıynsha 90 adam qylmystyq jaýapkershilikke tartyldy. Osy rette árdaıym ózimiz múddesine jumys isteıtin maqsatty toptardyń keris baılanysy men baǵalaýyn alǵymyz keledi», - dedi ol.
Onyń sózinshe zertteýlerge sáıkes Qazaqstandaǵy saýalnama júrgizgen kásipkerlerdiń 76 paıyzy elde jemqorlyq praktıkasyna júginbeı bıznes qurýǵa bolatynyna senedi.
