Kásipkerlerdi tekserýler aıtarlyqtaı tómendedi - Qarjy polıtsııasy
ASTANA. 2 qazan. QazAqparat - Kásipkerlerdi tekserýler aıtarlyqtaı tómendedi. Bul týraly Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Ekonomıkalyq qylmys jáne sybaılas jemqorlyqqa qarsy kúres agenttigi Aqparattyq-taldaý departamentiniń bastyǵy Oljas Bektenov aıtty.
«Máselen, eger 2011 jyldyń birinshi jartyjyldyǵynda baqylaýshy organdar qarjy polıtsııasynyń yntasymen kásipkerlerge 1 139 tekserý bolsa, al 2012 jyldyń dál osyndaı merziminde, ıaǵnı Ahýaldyq ortalyq jumysynyń bastalýymen, tekserýler eki ese azaıyp - 599-dy qurady.
Aǵymdaǵy jyly osy oń ilgerim kúsheıdi, tekserýler sany 143-ke deıin azaıdy nemese taǵy 4 esege tómendedi. Bizdiń árekettimizge shaǵymdar azaıdy. «Bıznesti Prezıdenttik qorǵaý» saıtyna birde-bir negizdi aryz túsken joq», - deıdi O. Bektenov.
Onyń sózine qaraǵanda, agenttik tóraǵasynyń nusqaýyna sáıkes qarjy polıtsııasynyń barlyq bólimsheleri ótken jyldyń naýryz aıynan bastap kásipkerlerdi tekserýde moratorıı rejiminde jumys isteýde.
«Tekserýler, tek aldyn ala taldaý kezinde quqyq buzýshylyq qyzmetiniń aıqyn belgileri naqty túrde bolǵan jaǵdaıda ǵana júrgiziledi.
Mundaı ádis bizdiń jumystaǵy sýbektıvızmdi jáne sybaılas jemqorlyq táýekelin aıtarlyqtaı tómendetedi. ıAǵnı, qarjy polıtsııasynyń qyzmetkeri táýekeldi sanatqa jatpaıtyn kásiporyndy óz betinshe teksere almaıdy. Nemese kerisinshe, eger kásiporynnyń qyzmeti naqty kúdik týdyrsa, onda onyń jaýapkershilikten jaltarýy barynsha qıyndatylady», - dedi departament basshysy.
