Kásipkerlerdi qoldaý: BQO-da jastar forýmy ótedi
ORAL. QazAqparat - Aldaǵy jyldyń aqpan aıynda óńirde kásipkerlik máseleleri boıynsha jastar forýmyn ótkizý kózdelýde, dep habarlaıdy «QazAqparat» tilshisi.
Kásipkerlerdi jeke máseleleri boıynsha qabyldaǵan oblys ákimi Altaı Kólginovtiń atap ótkenindeı, Elbasy tapsyrmasyna sáıkes memleket tarapynan bul mańyzdy salaǵa únemi qoldaý kórsetilip keledi. Sonymen qatar ákimshilik kedergiler de joıylýda. Osy maqsatta bıylǵy naýryz aıynan beri oblys basshysy óńirlik kásipkerler palatasynda kásipkerlerdi tikeleı qabyldap keledi. Sodan beri Altaı Kólginovtiń qabyldaýynda 56 kásipker boldy.
Bul joly kelgenderdiń ishinde «Azııa Global Servıs» JShS ókilderi Aıbek Qulanbekov pen Qasym Qanafınniń «Kásipkerlik negizderine oqytý úshin jastardy irikteý» jobasy nazarǵa ilindi. Olardyń sózine qaraǵanda, kompanııa jastardyń jol tabýyna járdemdesedi. Birinshiden, iri munaıgaz kompanııalaryna jumysqa ornalastyrý bolsa, ekinshiden, óz kompanııasyna bilimdi de belsendi jastardy qabyldaıdy. Kompanııa óńirde kásipkerlikti damytý baǵytynda iri jobalardy júzege asyrǵysy keledi. Jas kásipkerler klýbyn qurý da oıda.
«Kásipkerlerdiń qabyldaýǵa jaqsy ázirlenip kelýi qýantady. Sonyń ishinde «Azııa Global Servıs» JShS ókilderiniń bastamasy qoldaýǵa turarlyq. Bilim-biligin udaıy jetildirip, tájirıbe jınaqtaǵan jastardyń endi ózderi tustastaryn oqytqysy, qolushyn sozǵysy keledi. Kásipkerlermen iskerlik alańynda osylaısha kezdesýlerimiz aldaǵy jyly da jalǵasyn tabatyn bolady», - dedi Altaı Kólginov.
