Kásipkerlerden aqsha bopsalaýmen aınalysyp kelgen uıymdasqan qylmystyq toptyń jetekshisi ustaldy
ASTANA. Naýryzdyń 10-y. QazAqparat /Jasulan Amanbaıuly/ - Batys Qazaqstan oblysynda kásipkerlerden aqsha bopsalaýmen aınalysyp kelgen uıymdasqan qylmystyq toptyń jetekshisi Astanada ustaldy.
Bul týraly búgin aptalyq brıfıng barysynda Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Atalǵan qylmystyq toptyń músheleri 2008 jyly qazan aıynda Batys Qazaqstan óńiriniń kásipkerinen 12 myń AQSh dollaryn bopsalaǵany úshin izdestirý jarııalanǵan bolatyn. ІІM-niń uıymdasqan qylmysqa qarsy kúres basqarmasynyń qyzmetkerleri naýryzdyń 2-si kúni elordada sol toptyń jetekshisin qolǵa túsirdi.
