Kásipkerler jer jáne qala qurylysy kadastarlaryn biriktirýdi usyndy
ASTANA. QazAqparat -Astana qalalyq kásipkerler palatasy jer jáne qala qurylysy kadastarlaryn biriktirýdi usynyp otyr, dep habardaıdy QazAqparat tilshisi.
«Búginde memlekettik organdarda bólek-bólek aqparattyq júıelerdiń qurylýy kásipkerlerdi shyǵynǵa batyryp keledi. Máselen, osy salada eki kadastr bar. Ol - jer jáne qala qurylysy kadastry. Atalǵan eki kadastardyń keıbir tustary uqsaıdy. Degenmen, bir-birine almastyrýǵa ábden bolady. Bizdińshe, eki kadastry biriktirý kerek. Osynyń arqasynda qujattardy rásimdeýge ketetin kásipkerlerdiń biraz shyǵyndaryn qysqartýǵa múmkindik bar», - dedi Astana qalalyq kásipkerler palatasynyń basshysy Ǵanı Tasmaǵanbetov búgin Memlekettik qyzmet isteri jáne sybaılas jemqorlyqqa qarsy is-qımyl agenttiginde ótken selektorlyq jınalysta.
Onyń aıtýynsha, Astanada sáýlet jáne qala qurylysy salasyna qatysty aryz-shaǵymdar jyl saıynkóbeıip keledi.
