Kásipkerler jaldaý tólemin toqtata turýǵa ótinim bere alady
Onyń aıtýynsha, Almaty qalasynyń ákimdigi bıyl 20 naýryz ben 19 maýsym aralyǵyndaǵy kezeńde shaǵyn jáne orta bıznes ókilderimen 612 jaldaý sharty boıynsha jaldaý tólemderin esepteýdi toqtatty. Bul rette bıýdjettiń kiris bóligine túsimder boıynsha jospar 170,1 mln teńgege qysqardy.
«Tótenshe jaǵdaı kezinde QR Qarjy mınıstrligi men «Aqparattyq esepke alý ortalyǵy» AQ shaǵyn jáne orta bıznestegi jalǵa alýshylarǵa tólemderdi toqtata turýǵa qosymsha kelisimder jasaýǵa múmkindik beretin ýaqytsha qyzmetti ázirledi. Osy jyldyń 1 qyrkúıeginde Memleket basshysy Qasym-Jomart Toqaevtyń Qazaqstan halqyna Joldaýynda memlekettik organdar men kvazımemlekettik sektorǵa tıesili jyljymaıtyn múlik nysandaryna shaǵyn jáne orta bıznes úshin jaldaý aqysyn 1 qyrkúıekten bastap jyl sońyna deıin toqtata turýdy tapsyrdy. Sondyqtan 4 qyrkúıekten bastap ótinish qabyldaıtyn saıt qyzmeti qaıta iske qosyldy», - dedi Rústem Álıev.
Sonymen qatar ol búgingi jaǵdaı boıynsha jaldaý tólemderin toqtata turýǵa 280 ótinim túskendigin atap ótti.
«1 qyrkúıekten jyl sońyna deıin ákimdik shaǵyn jáne orta bıznestiń jalǵa alýshylarymen 499 joldaý sharty boıynsha esepterdi toqtata turady. Bul rette bıýdjettiń kiris bóligine túsim jospary 206 mln teńgege qysqarady. Kóktemdegi jáne osy jolǵy toqtata turýdy eskersek memleket bıýdjetine túsetin jalpy soma 376 mln teńgege azaımaq».
Sondaı-aq, ol «Tsıfrlyq Qazaqstan» memlekettik baǵdarlamasyn iske asyrý sheńberinde Almaty qalasynyń memlekettik aktıvter basqarmasy Telegram qosymshasynda gosaktivy_bot chat-botyn iske qosylǵanyn jetkizdi. Memlekettik múlikti jalǵa alý boıynsha barlyq suraqtarǵa vırtýaldy keńesshi jaýap bere alady.