Kásipkerler sálemdeme jetkizý arqyly qyrýar qarjy taba alady - Qazposhta basshysy
ASTANA. QazAqparat - «Qazposhta» AQ Basqarma tóraǵasy Sáken Sársenov qazaqstandyq kásipkerlerge tabys tabýdyń jańa baǵyty týraly aıtyp berdi, dep habarlaıdy QazAqparat tilshisi.
Basqarma tóraǵasynyń aıtýynsha, kórshiles Qytaı men Reseıde jáne Eýropada elektrondy kommertsııa salasy qarqyndy damyp keledi. Bul turǵyda Qazaqstan óte tıimdi aýmaqta ornalasqan.
«Qazir elektrondy kommertsııa naryǵy úshin sálemdemeni jetkizý merzimi óte mańyzdy bolyp otyr. ıAǵnı, buryndary klıent tapsyrysty 30-40 kún kúte alatyn bolsa, qazir eshkim kútpeıdi. Bizdiń qytaılyq seriktesterimiz jetkizý merzimin 10 kúnge deıin, tipti 5 kúnge deıin qysqartý qajettigin aıtyp júr. Osy oraıda Qazaqstan arqyly ótetin tranzıttik jol qytaılyq seriktester úshin de, eýropalyq seriktester úshin de tıimdi bolmaq», - dedi Sáken Sársenov Ortalyq kommýnıkatsııalar qyzmetinde ótken baspasóz máslıhatynda.
Sársenov atap ótkendeı, qyrýar tabys tabýǵa múmkindik beretin elektrondy kommertsııa salasyn jańa munaı túri dep te ataýǵa bolady.
«Jyl saıyn Qytaıdan Eýropaǵa 250 mıllıon sálemdeme jiberiledi. Sáıkesinshe, Eýropadan Qytaıǵa - 800 mıllıon sálemdeme. Bul óte úlken kórsetkish jáne qyrýar qarajat. Bul naryqtyń kólemi mıllıardtaǵan dollardy quraıdy jáne ony jańa munaı túri dep ataýǵa bolady. Qazaqstan bul baǵytta tabys tabýǵa shyndap kirisýi qajet», - deıdi Qazposhta basshysy.
Qazirgi ýaqytta bondyq qoımalar qurý josparlanýda. ıAǵnı, Eýropa men Qytaı arasyndaǵy taýarlar Qazaqstanda saqtalady jáne tapsyrys berilgen taýarlar Eýropa men Qytaıǵa Qazaqstannan jóneltiledi.
«Bul arqyly jetkizý merzimi men shyǵyndardy qysqartyp, taýar qunyn azaıtýǵa bolady», - dep óz sózin túıindedi S. Sársenov.
