Kásipkerler memlekettik baǵdarlamalarǵa qatysý úshin sheneýnikterge para berýge májbúr - Qarjy polıtsııasy
ASTANA. 5 sáýir. QazAqparat - Kásipkerler memlekettik baǵdarlamalarǵa qatysý úshin sheneýnikterge para berýge májbúr.
Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Máselen, onyń aıtýynsha, Ońtústik Qazaqstan oblysynda Sozaq aýdanynyń ákimi B.Aıdarbekov pen Qyzemshek aýyldyq okrýginiń ákimi J.Belhojaev 4 jylǵa bas bostandyǵynan aıyrý jazasyna kesilgen. «Olar aýyl sharýashylyǵyn damytýdyń aımaqtyq ınnovatsııalyq-ınvestıtsııalyq baǵdarlamasy aıasynda dúken men jylyjaı salýǵa jer ýchaskesin bergenderi úshin kásipkerden jalpy somasy 7 myń AQSh dollary kóleminde para alǵan», - dedi ol.
Sonymen qatar Pavlodar oblysynda 7 jáne 5 jylǵa bas bostandyǵynan aıyrý jazasyna Ekibastuz qalalyq áleýmettik baǵdarlamalar jáne halyqty jumyspen qamtý bóliminiń bastyǵy S.Arystanov pen osy bólimniń sektor meńgerýshisi S.Mustafına sottaldy. Olar «K&Kompanııa» JShS-ne bıýdjet qarajaty esebinen áleýmettik jumys oryndaryna jumyssyz adamdardy jibergeni úshin atalǵan kásiporyn basshysynan bopsalaý jolymen 220 myń teńge para alǵan.
