10:04, 04 Aqpan 2020 | GMT +6
Kásipkerler Qytaımen shekara jabyldy dep azyq-túlik baǵasyn ósirip otyr - Sultanov
NUR-SULTAN. QazAqparat - Qazaqstan Qytaıdan ákelinetin jáne Qytaıǵa jetkiziletin taýar qozǵalysyn toqtatqan joq. Bul týraly búgin Úkimet otyrysynda QR Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.
«Tutynýshylarymyzǵa ótinishim bar. Qazirgi ýaqytta birqatar taýar satýshylary Qytaımen shekara jabylǵanyna siltep, azyq-túliktiń baǵasyn kótere bastady. Osyǵan oraı Qazaqstan Qytaıdan ákelinetin jáne Qytaıǵa jetkiziletin taýar qozǵalysyn toqtatpaǵanyn habarlaımyn. Bul - tek bıznestiń josyqsyz áreketi. Osy sebepti baǵany kóterýge qoldanady», - dedi ol.
Mınıstr tutynýshylardan osyndaı jaǵdaıǵa, sondaı-aq bazarlarda nemese saýda nysandarynda baǵa sóz baılasýyna kýá bolsa 8 (7172) 75-16-32, 8 (7172) 749832 telefon nómirlerine habarlasýdy ótindi.
«Biz sóz baılasýlarǵa jedel den qoıyp, ony joıa alamyz»,- dedi Baqyt Sultanov.
