Kásipkerler halyqqa arnalǵan kómirdi shetelge satyp jatyr – mınıstr

ASTANA. QazAqparat – Indýstrııa jáne ınfraqurylymdyq damý mınıstri Marat Qarabaev kómir tapshylyǵy men onyń baǵasyna pikir bildirdi, dep habarlaıdy QazAqparat tilshisi.

«Elimizde 110 mln tonna kómir óndiriledi. Al halyqtyń tutynýyna 9,3 mln tonna kómir qajet. ıAǵnı jyl saıyn 10 mln tonnanyń kóleminde kómir kerek. Halyqqa jetkiziletin kómirdiń baǵasy tómen. Eksporttaǵy baǵasymen salystyrǵanda 5-6 ese tómen. Halyqqa baryp jatqan kómirdi keıbir kásipkerler alyp, ony shetelge satyp jatyr. Ózbekstanǵa, Qyrǵyzstanǵa satýda. Sony boldyrmas úshin elimizden avtomobılmen kómirdi shetelge shyǵarýǵa tyıym saldyq», - dedi Marat Qarabaev Úkimet otyrysynan keıin tilshilerdiń suraǵyna jaýap bere turyp.

Mınıstrdiń aıtýynsha, kásipkerler kómirdi syrt elge shyǵarýdyń basqa jolyn tapqan.

«Endi olar kómirdi kólikpen poıyzǵa jetkizip, shetelge poıyzben shyǵaryp jatyr. Másele osynda. Kómirdi erterek jaz ýaqytynda alý kerek», - deıdi ol.