Kásipkerler grant alǵannan keıin qyzmetkerlerdi jumystan shyǵaryp jibergen - Antıkor

NUR-SULTAN. QazAqparat - Nur-Sultan qalasy boıynsha sybaılas jemqorlyqqa qarsy qyzmet jańa bıznes-ıdeıalardy iske asyrýǵa bólinetin shaǵyn kásipkerlik sýbektilerine nysanaly grant berýge monıtorıng jasady, dep habarlaıdy QazAqparat tilshisi.

Monıtorıng qorytyndysy boıynsha grant kóbine jumys ornyn qamtamasyz etpeıtin jáne naryqta ekonomıkalyq belsendilik tanytpaıtyn kásipkerlerge beriletini anyqtaldy.

Desek te atalǵan eki talap bıznesti qarjylandyrýdyń negizi kózi ekeni anyq.

«Sonymen qatar, grant alǵannan keıin birqatar kásipkerler shtat sanyn múldem qysqartyp tastaǵany anyqtaldy», - dep habarlady QR Sybaılas jemqorlyqqa qarsy is-qımyl agenttiginiń Nur-Sultan boıynsha departamenti preventsııa basqarmasynyń basshysy Marat Haırýllın «Atameken» kásipkerler palatasynyń qalalyq fılıalynda ótken kezdesýde.

Odan bólek, basqarma basshysy monıtorıng aıasynda ázirlengen usynystar shara qabyldaý úshin ýákiletti organdarǵa jiberilgenin aıtty.

Foto: nypost.com