Kásipkerler aýrýhananyń materıaldy-tehnıkalyq bazasyn jańartýǵa qoldaý kórsetti - OQO
ASTANA. QazAqparat - Osy jyldyń mamyr aıynda óńir basshysy Shymkent qalasyndaǵy birqatar densaýlyq saqtaý nysandaryn aralap, jumysymen tanysqan bolatyn.
Onda №1 Perınataldy ortalyqtyń materıaldy-tehnıkalyq bazasyn jańartý múmkindigin qarastyrý qajettigin aıtylǵan edi.
Joǵaryda aıtylǵan máselelerdi júzege asyrý maqsatynda oblystyq kásipkerlik, ındýstrııaldy-ınnovatsııalyq damý jáne týrızm basqarmasynyń uıymdastyrýymen oblys kásipkerlerimen májilis ótti. Jıyn barysynda densaýlyq saqtaý nysanynyń problemalary aıtylyp, onyń sheshý joldary qarastyryldy, dep habarlaıdy óńir basshysynyń baspasóz qyzmeti.
Nátıjesinde bıznestiń áleýmettik jaýapkershiligi sheńberinde «Mega SMART» JShS men «Shymkent jıhaz fabrıkasy» JShS, «Nur Álem» JShS, «Embavýd» jaýapkershiligi shekteýli seriktestigi áleýmettik kómek kórsetýge nıet bildirdi.
Búginde kásipkerlerdiń esebinen №1 Perınataldy ortalyqqa naýhastar jatatyn bólmelerge jeke gıgıenalyq jáne ózge de zattar qoıýǵa arnalǵan 120 shkaftar jetkizilip berildi.
