Kásipkerge qaraqshylyq shabýyl jasaǵan aqtóbelik kúdiktiler ustaldy
AQTÓBE. QazAqparat - Polıtsııa qyzmeti kásipkerdiń úıine baryp, ony dalaǵa alyp shyqqan eki kúdiktini ustady. Qaraqshylar qorqytyp alǵan 14 mıllıon teńgeniń bir bóligin jumsap jibergen, dep habarlaıdy QazAqparat tilshisi.
Oqıǵa 22 shilde kúni bolǵan. Sol kúni JShS ókiliniń úıine betperdemen kirgen eki adam ony qorqytyp, qarý tárizdi zat taqaǵan. Keıin Bogoslovka tas jolynyń boıyndaǵy orman alqabyna aparyp, 14,5 mıllıon teńge aqshasyn alyp ketti.
«Aqsha qolǵa túsken boıda eki kúdikti kólikpen ketip qalǵan. Osy oqıǵa boıynsha qolǵa túsirý jospary jasaldy. Alaıda kúdiktilerdi ustaý múmkin bolmady. Birer kún buryn krımınaldyq polıtsııa qyzmeti jedel izdeý jumystaryn júrgizip, Aqtóbe qalasynyń eki turǵynyn ustady. Kúdiktider aqshanyń bir bóligin jumsap úlgergen eken», - dedi oblystyq PD baspasóz jetekshisi Erbolat Sarqulov.
Aıta keteıik, Qylmystyq kodekstiń «Qaraqshylyq» baby boıynsha is qozǵaldy. Kúdiktiler qamaýǵa alyndy.
