Kásipkerdiń otbasyn tonap ketken qos qylmysker quryqtaldy - Aqmola oblysy
KÓKShETAÝ. Aqpannyń 23-i. QazAqparat /Janmurat Janaıdarov/ - Aqmola oblystyq ishki ister departamenti baspasóz qyzmetiniń málimdeýinshe, ótken jyldyń qarasha aıynda kásipkerdiń otbasyn uryp-soǵyp, baılap, baǵaly zattary men aqshalaryn tonap ketken qos qylmysker qolǵa tústi,
dep habarlaıdy QazAqparat tilshisi.
Qarasha aıynda jaýapkershiligi shekteýli seriktestik basshysynyń úıine kirip, ózin, 1967 jylǵy zaıyby men otyz jasar joldasyn tapanshamen qorqytyp, baılap, 25 myń teńgesin, myń rýblin, altyn buıymdary men uıaly telefonyn qoldy qylǵan. Osy oqıǵaǵa sáıkes QR QK-siniń 179-shy baby 2-shi tarmaǵy boıynsha qylmystyq is qozǵalǵan bolatyn. Arnaıy jasaqtalǵan jedel top músheleri qylmyskerlerdiń izin kesip, «Aldyn alý» is sharasy jarııalandy. Qylmysty oqıǵaǵa qatysty derekter jınastyrylyp, tergeý amaldary júrgizilgen. Nátıjesinde kúdiktilerdiń «Nıssan-Mahıma» kóligimen júrgeni, onyń Pavlodar oblysynda tirkelgeni anyqtalǵan. Qylmysqa qatysy bar degen kúdikpen buryndary páter tonap, jazasyn ótep kelgen 1991-shi jáne 1988-shi jylǵy azamattar qolǵa tústi.
