Kásipkerdiń otbasyn tapanshamen qorqytyp tonap ketkender ustaldy
ALMATY. QazAqparat - Almaty oblysy polıtsııasy uıymdasqan qylmystyq top múshelerin ustady, dep habarlaıdy QazAqparat tilshisi oblystyq ІІD baspasóz qyzmetine silteme jasap.
17 shilde kúni belgisiz úsh adam Talǵar aýdany Besaǵash aýylynyń turǵyny, kásipkerdiń úıin tonaý maqsatymen shabýyl jasaǵan.
Tapansha kezengen úsheý úıge kirisimen eresek adam men jas jetkinshekti skotchpen baılap qoıady.
Tonaýshylar úıden jalpy quny 1 mln teńge bolatyn aqsha, zergerlik buıymdardy qoldy etken.
«Qylmysty tekserý barysynda 3 adam kúdikti retinde ustaldy. Olardyń ekeýi Almaty qalasynyń týmasy bolsa, biri Qurylysshy aýylynan kelgen eken. Kúdiktilerdiń barlyǵy da buǵan deıin qylmystyq jaýapqa tartylǵan bolyp shyqty. Qazir atalǵan derekke baılanysty QR QK 192-babynyń 2-bólimimen qylmystyq is qozǵaldy», - dedi ІІD baspasóz qyzmetindegiler.
Qaraqshylyq shabýyl kezinde olar tapanshanyń maketin paıdalanǵan.
Sondaı-aq, úsheýiniń aıtýynsha, urlanǵan qarjy jumsalyp, zergerlik buıymdar satylyp ketken.
