Kásipkerdiń 57 mln teńgesin urlap ketken atyraýlyq izdestirilip jatyr
AQTÓBE. QazAqparat – Aqtóbede kempıng qojaıynynyń qomaqty aqshasyn urlap ketken kúdikti izdestirilip jatyr, dep habarlaıdy QazAqparat tilshisi.
Aqtóbe oblysynyń polıtsııa departamenti Atyraý oblysynyń týmasy Farhad Ǵabbasovty izdestirip jatyr. Ol ótken jyldyń qarasha aıynda Qobda aýdany, Jarsaı-2 aýylynyń mańynda salynyp jatqan kempıngten qomaqty aqsha urlandy.
«Kempıng qojaıynyna tıesili 57 mln teńge urlandy. Atalǵan derekke qatysty Qylmystyq kodekstiń «Urlyq» baby boıynsha is tirkeldi. 42 jastaǵy Atyraý oblysynyń týmasy Aqtóbeniń Alǵa qalasynda turǵan. Denesinde operatsııadan keıingi tyrtyǵy bar. Oń qolynda orta jáne suq saýsaqtary joq, kózildirik kııý múmkin», - dedi oblystyq PD baspasóz qyzmetiniń jetekshisi Erbolat Sarqulov.
