Kásipkerdiń 27 myń dollaryn tartyp alǵan kúdiktiler ustaldy - Aqmola oblysy
KÓKShETAÝ. QazAqparat - Aqmola oblysynda almatylyq kásipkerdiń 27,5 myń dollar qarjysyn kúshtep tartyp alǵan kúdiktiler ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, oqıǵa 28 qańtar kúni Atbasar qalasynda bolǵan.
46 jastaǵy zardap shegýshiniń sózinshe, jeke kásippen aınalysatyn oǵan beıtanys eki adam dene jaraqatyn salyp, 27 500 AQSh dollary sommasyndaǵy qarjysyn, banktik kartochkasyn jáne qujattar salynǵan qol sómkesin tartyp alǵan.
«Belgili bolǵandaı, kásipker Aqmola oblysyna Almaty qalasynan kelgen. Kúdiktiler er adamdy tańerteń qonaqúıge bara jatqan jolda tonap ketken. Kúdiktilerdi ustaý úshin arnaıy jedel tergeý toby qurylyp, keshendi izdestirý sharalary qolǵa alyndy. Nátıjesinde Atbasar qalasynyń 26 jáne 28 jastaǵy turǵyndary ustaldy», - deıdi vedomstvodan.
Qazirgi kezde, QR QK 191-baby (tonaý) boıynsha sotqa deıingi tergeý amaldary júrgizilýde. Kúdikti ler ýaqytsha ustaý oqshaýlaǵyshyna qamaldy.
