Kásipkerdiń 15,2 mln. rýblin tartyp alǵan qaraqshylar alysqa uzaı almady
ASTANA. QazAqparat - Senbi kúni Máskeýde kásipkerdiń 15 mıllıon rýblden astam qarjysyn tartyp alǵan qylmyskerler oqıǵa ornynda quryqtaldy, dep habarlady jeksenbide RF ІІM baspasóz qyzmeti.
Úsh baýkespe tapa tal túste Mınski kóshesinde elektrshokerdi qoldanyp kúzet fırmasynyń jetekshisiniń 15,2 mıllıon rýbl salynǵan portfelin alyp ketken. Baýkespeler jasyrynýǵa árekettengen.
«Sol mańaıdan kólikpen ótip bara jatqan jol qozǵalysy qaýipsizdigi basqarmasynyń qyzmetkerleri qyzmys jasaǵandardyń birin qolǵa túsirdi. Odan urlanǵan aqsha men travmatıkalyq tapansha alyndy», deıdi baspasóz qyzmetindegiler. Qazirgi ýaqytta ózgeleri izdestirilip jatyr.
