Kásipkerden tartyp alynǵan seıf ıesine qaıtaryldy
ASTANA. Jeltoqsannyń 14-i. QazAqparat /Aıdar Ospanalıev/ - Jeltoqsannyń 6-y kúni keshke jaqyn 25 men 30 jas shamasyndaǵy 5 azamat Almaty qalasy mańyndaǵy 42 jasar kásipkerdiń úıine kirip, úı ıesine kúsh kórsetý arqyly 1 mıllıon teńge men 2 myń AQSh dollary jáne 3 myń Qytaı ıýani bar seıfti urlap ketken.
Bul oqıǵa jóninde búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov aıtyp berdi, dep habarlaıdy QazAqparat.
Onyń aıtýynsha, atalmysh oqıǵa boıynsha Almaty qalasyndaǵy Alataý aýdandyq Іshki ister basqarmasy qylmystyq is qozǵady. Tártip saqshylary arnaıy júrgizilgen keshendi izdestirý sharalarynyń nátıjesinde Almaty oblysynyń Іle aýdanyndaǵy Pokrovka aýylyndaǵy jalǵa alynǵan úıde 3 kúdiktini qolǵa túsirdi. Olardyń bireýi qaraqshylyq jáne buzaqylyq áreketteri úshin buryn sottalǵan bolyp shyqty. Sondaı-aq atalmysh qylmysqa qatysqan 4-shi azamat ta belgili boldy, ol Almaty oblysynyń 24 jasar turǵyny bolyp shyqty. Qazirgi tańda ony ustaý boıynsha arnaıy sharalar uıymdastyrylýda. Al urlanǵan seıfti urylar asha almaǵan, ol tastaǵan jerden tabylyp ıesine qaıtaryldy.
