Kásipkerden 3 mıllıon teńge para alǵan eks-ákimge iri kólemde aıyppul salyndy
KÓKShETAÝ. QazAqparat - Aqmola oblysyndaǵy Qosshy selolyq okrýginiń burynǵy ákimine 9 mıllıon teńge kóleminde aıyppul salyndy, dep habarlaıdy QazAqparat tilshisi Astana qalasynyń №2 Esil aýdandyq sotyna silteme jasap.
Sot úkiminde kórsetilgendeı Astana qalasyndaǵy meıramhanalardyń biriniń mańynda 35 jastaǵy eks-ákim kásipker áıelden kommertsııalyq maqsatta jer telimin alýǵa kómektesemin dep 3 mıllıon teńge kóleminde para alyp jatqan jerinde qolǵa tústi. Áıel Qosshy aýylynda saýyqtyrý keshenin salý boıynsha ınvestıtsııalyq jobany júzege asyrmaq bolǵan.
Alaıda, jer telimin usyný ákimniń quzyretine kirmeıdi jáne ol bul máseleni sheshe almaıdy. Sondyqtan, sot qylmystyq isti «óziniń qyzmet babyn jáne tulǵanyń senimin paıdalana otyryp, bireýdiń múlkin jymqyrý, alaıaqtyq jasaýǵa oqtalý» babyna ózgertti.
Aıyptalýshy jer telimin usynýda óziniń eshqandaı quzyreti joqtyǵyn alǵa artyp, óziniń kinásin moıyndamady. Qolma-qol aqsha alyp jatqan jerinde ustalynǵanyn ádeıi oılastyrylǵan dep otyr.
Degenmen, sot eks-ákimdi aıypty dep tanyp, 4 myń AEK-962000 kóleminde teńge aıyppul saldy. Aıyptalýshy 2018 jyldyń qańtar - naýryz aılarynda qamaýda otyrǵandyqtan aıyppul kólemi 8869640 teńge qysqartyldy. Sonymen qatar, sheneýnik 3 jylǵa ákim qyzmetin atqarý quqynan aıryldy.
Sot úkimi zańdy kúshine engen joq.
