Kásipker júgeriden sýsyn shyǵardy
QYZYLORDA. QazAqparat - Qyzylorda oblysy Jańaqorǵan aýdanynyń turǵyny Qasym Ábjapparov júgeriden sýsyn shyǵarý isin jolǵa qoıdy, dep habarlaıdy QazAqparat tilshisi.
Bul joba elimizde qolǵa alyna qoımaǵan. Degenmen ol qazaq halqynyń tynys-tirshiliginde erteden paıdalanylyp júrgen sýsyn túri ekeni belgili. Jergilikti jerde sharýa qojalyǵyna jetekshilik jasaıtyn kásipker júgeri sharýashylyǵyn damytýǵa nazar aýdardy. Sodan keıin júgeriden sýsyn shyǵarýdy josparlaǵan. Osy maqsatta túrli jobaǵa qatysty. Sol arqyly 3 mln teńge qaıtarymsyz nesıege qol jetkizdi.
Buryn qolǵa almaǵan is bolǵandyqtan ony birden iske asyrý ońaıǵa soqqan joq. Aldymen bul kásiptiń qyr-syryn tolyq meńgerdi . Sodan keıin óz isine kiristi.
«Atalmysh daqyldyń boıynda A, V, S, E dárýmeni, kalıı, magnıı, qant sekildi adam densaýlyǵyna paıdaly zattar kezdesedi», - deıdi Qasym Ábjapparov.
Kásipkerdiń aıtýynsha, júgeri dáni óte qorekti. Organızmge jaqsy sińedi.
Atalmysh sýsynǵa Qazaq taǵamtaný akademııasynyń mamandary da joǵary baǵasyn bergen. Qasym Ábjapparov buǵan deıin popkorn óndirisin jolǵa qoıǵan edi. Sonyń nátıjesinde kórshiles aýdan men Túrkistan qalasyna óz ónimderin ótkizý isin kúnnen kúnge arttyryp keledi.
Jergilikti kásipker aldaǵy ýaqytta kásip aıasyn keńeıtpek. Endi Syr óńiri dıqandarynyń negizgi tirshilik kózi - qaýyn men qarbyz daqyldarynan sýsyn shyǵarýdy josparlap otyr.
