Kásipker Reseıden ákelgen taýarynyń salyǵyn tóleýden jaltarǵan
2019 jylǵy maýsymda jeke kásipker Reseı Federatsııasynan jalpy salmaǵy 19 820 keli bolatyn 8,3 mln teńgeniń jumysshylarǵa arnalǵan qolǵabyn ákelgen. Taýardyń qosymsha qun salyǵy 1 004 497 teńge.
Baqylaý nátıjesinde salyq tóleýshiniń atalǵan kezeń boıynsha salyq eseptiligin usynbaǵandyǵy jáne salyqty tólemegeni anyqtaldy.
«Habarlamaǵa jaýap retinde salyq tóleýshi 2019 jylǵy maýsymda taýar ákelmegenin, sáıkesinshe salyqtyq eseptilik nysanyn usynbaǵanyn túsindirdi. Alaıda 29 qazanda Batys Qazaqstan oblysynyń «Syrym» ótkizý pýnktinde tirkemesi bar avtokólik toqtatylyp, onda qujattarǵa sáıkes ımporttaýshy reseılik jetkizýshiden 5 263 608 teńge somasyna 1 455 qap (375 390 jup) jumys qolǵabyn Qazaqstanǵa ákelgeni anyqtaldy, QQS somasy 631 633 teńge. «Mán-jaıdy anyqtaý barysynda kásipker atalǵan taýardy shynymen ımporttaıtynyn túsindirdi. 650 000 teńge mólsherinde salyq somasyn tólep, salyq eseptiligin tapsyrýǵa mindettendi», delingen habarlamada.
Tekserý barysynda kásipkerdiń osyndaı uqsas taýardy elge buǵan deıin birneshe ret jetkizgendigi belgili boldy.
Osyǵan baılanysty, kásipker maýsym aıynda taýardy ákelýge qatysty túsinik berdi.
«Ol taýar ákelgenin, buǵan deıin habarlamaǵa teris jaýapty qatelesip bergenin moıyndap, 1 005 000 teńge mólsherinde QQS somasyn tóledi. Tolyq salyq eseptiligin tapsyrýǵa mindettendi», delingen habarlamada.
Salyq tóleýshige 1 655 000 teńge tólengen salyqtan basqa, sonymen qatar ol QR Ákimshilik quqyq buzýshylyq kodeksiniń 287-babyna sáıkes ımportqa qosymsha qun salynǵan ýaqtyly tólemegeni úshin 30 AEK mólsherinde aıyppul tóleýi tıis.
