Kásipker pikiri: Tsıfrlyq tehnologııa ómirimizdi sapaly ete túspek
ShYMKENT. QazAqparat - Elbasy Nursultan Nazarbaevtyń jyl saıynǵy Qazaqstan halqyna arnaıtyn Joldaýy bárimizge de jańa baǵyt-baǵdar berip, ári qaraıǵy isterimizge qanat bitiredi. Shymkenttik kásipker ári oblystyq máslıhattyń depýtaty Ábilqasym Dosbolov Elbasynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýyna qatysty osyndaı pikir bildirdi, dep habarlaıdy QazAqparat.
Onyń sózinshe, Memleket basshysy óz Joldaýy arqyly bolashaqta iske asyrýǵa tıisti mańyzdy strategııalyq qadamdardy belgilep berdi.
Kásipkerdiń pikirinshe, Memleket basshysynyń Joldaýynda kóptegen máselleler qamtylǵan.
«Joldaýda tsıfrlyq tehnologııany engizip, sol arqyly álemdik básekege qabiletti bolý qajettigi týraly aıtyldy. Shynynda da elektrondy tehnologııalar dáýiri júrip turǵan zamanda ony kúndelikti tirshiligimizde jan-jaqty qoldanyp, ıgiligin kóre almasaq, eshqashan damyǵan memleket retinde alǵa ozyp shyqpaımyz»,- deıdi Ábilqasym Dosbolov.
Kásipker sondaı-aq Prezıdent Joldaýyndaǵy ındýstrııalandyrý saıasatyna qatysty máselleler erekshe nazar aýdartady.
«Joldaýda Elbasy ındýstrııalandyrý saıasaty ekonomıkanyń flagmanyna aınalýy tıis degen tapsyrma júktedi. Rasynda da Qazaqstannyń búgingi jetken jetistigi eń aldymen Memleket basshysynyń pármenimen iske asyrylǵan ındýstrııalandyrý baǵdarlamasynyń arqasynda múmkin boldy. Mine, sonyń nátıjesinde qanshama jańa óndiris oryndary paıda boldy. Ol óz kezeginde myńdaǵan qazaqstandyqtar úshin turaqty jumys kózine aınaldy. Osy baǵyttan taımasaq, elimizdiń keleshegi kemel bolary sózsiz. Óıtkeni, qazirgi damyǵan memleketterdiń bári de osy jolmen júrip ótken»,- deıdi oblystyq máslıhattyń depýtaty.
