Kásipker men memorgan arasyndaǵy daýda taraptardyń teńdigin qamtamasyz etý qajet - Q.Toqaev

NUR-SULTAN. QazAqparat - Qazaqstan Prezıdenti Qasym-Jomart Toqaev memlekettik organdardyń, «Atameken» UKP, ulttyq kompanııalar men otandyq bıznes ókilderi qatysqan Ulttyq ınvestorlar keńesinde sóz sóıledi, dep habarlaıdy QazAqparat tilshisi Aqordanyń Twitter-ine silteme jasap.

«Táýelsiz sot - bul ınvestorlar men kásipkerler tarapynan eldiń bıznes ahýalyna senimniń irgeli senimi. Kásipkerler men memlekettik organdar arasyndaǵy sot daýlarynda taraptardyń teńdigin qamtamasyz etý qajet», - dep atap ótti Memleket basshysy.

QR Prezıdenti júıeli shara «kásipkerdiń adaldyq prezýmptsııasy» bolýy tıistigine nazar aýdardy. Sonymen qatar bul shara Salyq jáne Keden kodesterine kirgizilgenin, endi ony basqa da salalarda qoldaný qajettigin atap ótti.

«Óńirlerdegi bıznes-qoǵamdastyqtardyń aldynda baqylaý-qadaǵalaý organdarynyń esebi biryńǵaı kúnin júrgizý tájirıbesin engizý qajet. Bul zańnamadaǵy jańashyldyqtar túsindiriletin, memlekettik organdar jumysynyń basymdyqtary aıtylatyn ashyq dıalog alańy bolady», - dedi Q.Toqaev.