Kásipker qaıtarymsyz grantty qandaı maqsatqa jumsaı alady
«Qaıtarymsyz memlekettik granttar Úkimettiń 2019 jylǵy 31 jeltoqsanda bekitilgen Kásiperlikti damytý jónindegi ulttyq jobasy aıasynda «jańa bıznes ıdeıalardy iske asyrýǵa memlekettik granttar berý» qaǵıdasy negizinde beriledi. Bıyl sáýir aıynda osy qaǵıdaǵa birqatar ózgeris engizildi. Endi grantqa tirkelgenine úsh jyl bolǵan jeke kásipker jáne respýblıkalyq tizilimge engizilgen áleýmettik kásipkerlik sýbektileri ǵana qatysa alady», - dedi Qýanysh Saparov Astana qalasynyń kommýnıkatsııalar qyzmetinde ótken brıfıngte.
Basqarma ókiliniń aıtýynsha, konkýrsqa qatysý úshin: kásipkermen memlekettik grant kóleminiń keminde 20 paıyzy mólsherinde, onyń ishinde bıznes-jobaǵa qatysatyn jeke jyljymaly nemese jyljymaıtyn múlikpen qosa qarjylandyrýy, jańa jumys oryndaryn qurý, kásipkerdiń bıznes-jobasynda ınfraqurylymnyń bolýy jáne jobany iske asyrý úshin jetkilikti ınfraqurylym qurý kózdelgen ınvestıtsııalyq jospardyń bolýy shart.
«Kásipkerler grant qarajatyn taýarlardy shyǵarý nemese qyzmetter kórsetý úshin qajetti negizgi quraldardy, shıkizatty jáne materıaldardy, materıaldyq emes aktıvterdi, tehnologııalardy, keshendi kásipkerlik lıtsenzııa quqyqtaryn satyp alýǵa, zertteý jumystaryna jáne jańa tehnologııalardy engizýge qatysty shyǵystarǵa ǵana jumsaı alady. Memlekettik granttarǵa ótinim qabyldaý dál qazir júrgizilip jatyr. Ótinimder 7-16 tamyz aralyǵynda Kezekte.kz onlaın portal arqyly elektrondy túrde qabyldanady», - dedi ol.
